News - Հայաստանի վարչապետը չի մասնակցի ԱՊՀ պետությունների ղեկավարների խորհրդի նիստին

Հայաստանի վարչապետ Նիկոլ Փաշինյանը չի մասնակցի հոկտեմբերի 13-ին Բիշքեկում կայանալիք ԱՊՀ պետությունների ղեկավարների խորհրդի նիստին։ Այդ մասին Ղրղզստանի նախագահ Սադիր Ջապարովի հետ հեռախոսազրույցում ասել է Նիկոլ Փաշինյանը։ Ըստ Ղրղզստանի նախագահի մամուլի ծառայության՝ Ջապարովի և Փաշինյանի հեռախոսազրույցը տեղի է ունեցել հայկական կողմի նախաձեռնությամբ։ «Քննարկվել են երկկողմ օրակարգի ընթացիկ հարցեր, այդ թվում՝ Անկախ Պետությունների Համագործակցության պետությունների ղեկավարների խորհրդի առաջիկա նիստը, որը տեղի կունենա Բիշքեկում այս տարվա հոկտեմբերի 13-ին։ Զրույցի ընթացքում Հայաստանի վարչապետը ափսոսանքով հայտարարեց, որ մի շարք հանգամանքների բերումով չի կարող մասնակցել ԱՊՀ պետությունների ղեկավարների խորհրդի նիստին։ Ղեկավարները պայմանավորվել են պահպանել մշտական ​​կապերը և ամրապնդել երկկողմ հարաբերությունները բարեկամության ոգով` ի շահ երկու երկրների ժողովուրդների»: