News - Հայաստանի փոխարտգործնախարարը գերմանացի պատգամավորին է ներկայացրել Հայաստան-Ադրբեջան հարաբերությունների կարգավորման գործընթացը

Հայաստանի փոխարտգործնախարար Պարույր Հովհաննիսյանը Բունդեսթագի պատգամավոր Ռոբին Վագեների հետ հանդիպմանը ներկայացրել է Ադրբեջանի էթնիկ զտումների քաղաքականության պատճառով ստեղծված հումանիտար իրավիճակը։ Ըստ ՀՀ ԱԳՆ հաղորդագրության, նա անդրադարձել է նաև Լեռնային Ղարաբաղից բռնի տեղահանվածներին աջակցություն ցուցաբերելու պետության կողմից գործադրվող ջանքերին, այդ թվում՝ միջազգային գործընկերների հետ տարվող աշխատանքներին։ Պարույր Հովհաննիսյանն իր զրուցակցի ուշադրությունը հրավիրեց Ադրբեջանի վերահսկողության տակ գտնվող տարածքներում հայկական մշակութային ժառանգության ոչնչացման վտանգների վրա։ Գերմանական կողմին ներկայացվել է նաև Հայաստան-Ադրբեջան հարաբերությունների կարգավորման գործընթացը, խաղաղության հաստատման ուղղությամբ Հայաստանի ջանքերը։ Նրանք բարձր են գնահատել Հայաստանի և Գերմանիայի միջև բարձր մակարդակի քաղաքական երկխոսությունը և կարևորել երկու երկրների միջև բարեկամական հարաբերությունների կայուն զարգացումն ու համագործակցության խորացումը։