

ՎԵՈՆ հոլդինգն ավարտել է դուրս գալը ռուսական բիզնեսից՝ վաճառելով «ՎիմպելԿոմը» (կառավարում է Beeline ապրանքանիշը)։ Բիզնեսը վաճառվել է տեղի բարձրագույն ղեկավարությանը` գլխավոր տնօրեն Ալեքսանդր Տորբախովի գլխավորությամբ: Ինչպես հայտնում է RT-ն, ընկերության մամուլի հաղորդագրության վրա հղումով, գործարքը չի նախատեսում հետգնման պայմանագիր։ Նախկինում օտարերկրյա ներդրումների հարցերով կառավարական հանձնաժողովը հավանություն էր տվել «ՎիմպելԿոմ»-ի վաճառքին ռուսական ղեկավարությանը` մայր ընկերության թողարկած պարտատոմսերի առնվազն 90 տոկոսը հետգնելու պայմանով` հօգուտ Ռուսաստանի ներդրողների: