News - Գազային սահմանակից իսրայելական 6 շրջաններում ռազմական գործողությունները շարունակվում են

Ակտիվ ռազմական գործողությունները շարունակվում են Գազայի հետ սահմանակից իսրայելական վեց շրջաններում, հայտարարել է Իսրայելի պաշտպանության բանակի խոսնակ, կոնտրադմիրալ Դանիել Հագարին, հաղորդում են իսրայելական լրատվամիջոցները։ Հագարին նշել է, որ ՀԱՄԱՍ-ի որոշ զինյալներ գտնվում են Իսրայելում շաբաթ օրը տեղի ունեցած հարձակումից հետո, իսկ մյուսները հատել են սահմանը վերջին երկու օրվա ընթացքում։ Նա հավելել է, որ գիշերը մոտ 70 զինյալներ մտել են Բերիի կիբուց (համայնք), սակայն նրանց մեծ մասը սպանվել է Իսրայելի պաշտպանության բանակի հետ մարտերում, իսկ մյուսները դեռ թաքնված են եղել այս կիբուցի տներում։ Հագարին գնահատում է, որ մինչ օրս Իսրայելի պաշտպանության բանակը 425 պաղեստինցի մարտիկի է սպանել Գազայում, ևս հարյուրը՝ Իսրայելի ներսում: Նա նաև ասաց, որ Իսրայելի պաշտպանության բանակը հավաքագրում է հարյուր հազարավոր պահեստայինների։ Իսրայելի պաշտպանության բանակը հավելում է, որ հարվածներ է հասցրել Գազայում 1148 թիրախի։