News - Իրանի ԱԳՆ-ն մեկնաբանում է Իրանի տարածքով Ադրբեջան-Նախիջևան կապի հեռանկարները

Սա նոր հարց չէ։ Իրանը վերջին 34 տարում Ադրբեջանին տարածք և միջանցք է տրամադրել համագործակցության համար։ Այս մասին հայտարարել է Իրանի արտաքին գործերի նախարարության պաշտոնական ներկայացուցիչ Նասեր Քանաանին՝ պատասխանելով միջանցքի մասին հարցին, որը կկապի Ադրբեջանը Նախիջևանի հետ Իրանի տարածքով, տեղեկացնում է Tasnim-ը։ «Այդ շրջանակներում համագործակցությունը շարունակվում է, սակայն տարածաշրջանի նոր պայմանների համաձայն՝ նոր աշխարհագրությանը համապատասխան նոր համագործակցության հաստատման հնարավորություն կա, և ադրբեջանական կողմը համագործակցություն է խնդրել Իրանից, և Թեհրանը ողջունել է դա։ «[Իրանի տրանսպորտի և քաղաքաշինության նախարար Մեհրդադ] Բազրփաշի այցը [Ադրբեջան] և նոր կամրջի [վերջին] բացումը Իրանի և Ադրբեջանի համագործակցության, ինչպես նաև հաղորդակցության միջանցքի շրջանակում են։ Մենք աջակցում ենք համագործակցությանը տարանցիկ և տարածաշրջանային միջանցքների հարցում, սակայն շեշտում ենք, որ միջանցքները պետք է ստեղծվեն՝ հարգելով երկրների ինքնիշխանությունը և միջազգային իրավունքին համապատասխան։ Քննարկվել են տարբեր թեմաներ»,- նշել է Քանաանին։