

ՀԱՄԱՍ խմբավորման կողմից իրականացվող ռազմական գործողությունների ֆոնին Երուսաղեմի հայ համայնքի շրջանում զոհեր չկան, իսկ քաղաքում ընդհանուր իրավիճակը մնում է խաղաղ։ Այս տեղեկությունը NEWS.am-ին փոխանցեց Հայ դատի Երուսաղեմի կոմիտեի անդամ Հակոբ Սեւանը։ «Այս պահի դրությամբ Երուսաղեմում իրավիճակը մնում է հանգիստ, ընդհարումների մեծ մասը տեղի են ունենում Իսրայելի հարավային շրջաններում։ Մեր կողմից որևէ ռազմական գործողություններ չեն եղել, Երուսաղեմի հայ համայնքում զոհեր չկան»,–հայտարարել է նա։