News - Իսրայելի նախագահը մեղադրել է Իրանին ՀԱՄԱՍ-ի հարձակմանը «աջակցելու» մեջ

Իսրայելի նախագահ Իսահակ Հերցոգը մեղադրել է Իրանին ՀԱՄԱՍ-ի վերջին հարձակմանը «աջակցելու» մեջ, և նա կոչ է անում միջազգային հանրությանը աջակցել Իսրայելին՝ ինչպես պաղեստինցի զինյալներին, այնպես էլ Թեհրանին դատապարտելու հարցում: «Այսօր մենք տեսանք ՀԱՄԱՍ-ի իրական դեմքը,- հայտարարել է Հերցոգը X-ի իր միկրոբլոգում:- Ահաբեկչական բանակ, որի միակ նպատակը անմեղ տղամարդկանց, կանանց և երեխաների սառնասրտորեն սպանությունն է»: Հերցոգն ընդգծել է, որ Իսրայելը կձեռնարկի բոլոր անհրաժեշտ միջոցները Իսրայելի քաղաքացիների համար այս «պարզ ու ներկա վտանգը» վերացնելու համար։ Հարկ է նշել, որ այսօր՝ վաղ առավոտից, պաղեստինյան ՀԱՄԱՍ խմբավորումը հրթիռային հարվածներ է հասցրել Իսրայելի տարածքին։ Երկու կողմերն էլ կորուստներ են կրել, իսկ կենտրոնական և հարավային Իսրայելում կատաղի մարտեր են ընթանում ՀԱՄԱՍ-ի անդամների հետ: