News - ԱՄՆ-ը դատապարտում է Գազայի հատվածից Իսրայելի վրա հրթիռային հարձակումները
Business Strategy
ԱՄՆ-ը դատապարտում է Գազայի հատվածից Իսրայելի վրա հրթիռային հարձակումները
Երուսաղեմում ԱՄՆ դեսպանատան գործերի ժամանակավոր հավատարմատար Ստեֆանի Հալեթը դատապարտել է Գազայի հատվածից Իսրայելի վրա հրթիռային հարձակումները։ «Ես դատապարտում եմ ՀԱՄԱՍ-ի ահաբեկիչների անխտիր հրթիռակոծությունը իսրայելցի խաղաղ բնակիչների դեմ», - ասել է նա X-ում (նախկին Twitter)՝ հավելելով. «Ես կապի մեջ եմ իսրայելցի պաշտոնյաների հետ և լիովին աջակցում եմ Իսրայելի իրավունքին՝ պաշտպանվելու նման ահաբեկչական գործողություններից»: Ավելի վաղ հաղորդվել էր, որ ՀԱՄԱՍ-ը հրթիռային հարվածներ է հասցրել Իսրայելին։ Իսրայելի պաշտպանության բանակն իրեն հայտարարեց «պատրաստ պատերազմի»։ Իր հերթին ՀԱՄԱՍ-ի ռազմական թեւի առաջնորդ Մուհամմեդ Դեյֆը հայտնել է, որ զինված խմբավորումը նոր ռազմական գործողություն է սկսել Իսրայելի դեմ։ Հայտարարության մեջ Դեիֆն ասում է, որ շաբաթ առավոտյան Իսրայելի ուղղությամբ արձակվել է 5000 հրթիռ՝ նշանավորելով «Ալ-Աքսա փոթորիկ» գործողության մեկնարկը: Իսրայելը նաև հայտնել է Գազայից գրոհայինների ներթափանցման մասին։
About usyoo
Categories
Tags
