

Այս պահին Հայաստանի տարբեր բուժհաստատություններում բուժումը շարունակում է 302 հիվանդ, հոկտեմբերի 7-ին լրագրողների հետ հանդիպման ժամանակ ասաց ՀՀ վարչապետի մամուլի քարտուղար Նազելի Բաղդասարյանը։ «Նրանցից 113-ի վիճակը շարունակում է մնալ ծանր, 11-ի վիճակը ծայրահեղ ծանր է։ 5 երեխա շարունակում է մնալ վերակենդանացման բաժանմունքում, ևս 5 երեխա բուժվում է կանոնավոր պայմաններում»,- ասաց Բաղդասարյանը։ Նրա խոսքով, ներկայումս բուժհաստատություններում հաշվառված է 13646 մարդ։