News - Լեհաստանը մերժել է Միգրացիայի վերաբերյալ ԵՄ համատեղ հայտարարությունը Գրանադայի գագաթնաժողովում

Լեհաստանի վարչապետ Մատեուշ Մորավիեցկին ուրբաթ ասել է, որ Վարշավան մերժել է միգրացիայի վերաբերյալ համատեղ հայտարարությունը Գրանադայում Եվրամիության ոչ պաշտոնական գագաթնաժողովի ավարտին, հայտնում է Reuters-ը։ Փոխարենը, համատեղ հայտարարությունը կանդրադառնա միայն օրակարգային մյուս հարցին՝ դաշինքի ընդլայնմանը։ «Որպես պատասխանատու քաղաքական գործիչ՝ ես մերժում եմ միգրացիայի վերաբերյալ գագաթնաժողովի եզրակացությունների ամբողջ պարբերությունը», - գրել է Մորավիեցկին X-ում, որը նախկինում հայտնի էր որպես Twitter: ԵՄ պաշտոնյան ասել է, որ Եվրոպական խորհրդի նախագահ Շառլ Միշելը միգրացիայի վերաբերյալ առանձին հայտարարությամբ հանդես կգա: Ֆրանսիայի նախագահ Էմանուել Մակրոնն ուրբաթ օրը ավելի վաղ ասել էր, որ թեև Լեհաստանն ու Հունգարիան իրենց անհամաձայնությունն են հայտնել ԵՄ միգրացիոն քաղաքականության հետ, դա չի նշանակում, որ այս հարցի վերաբերյալ որևէ վերջնական գործարք արգելափակվելու է։