News - Իրանն ու Ադրբեջանը պայմանավորվել են բարելավել Նախիջևան մուտքի և ելքի հնարավորությունները
Business Strategy
Իրանն ու Ադրբեջանը պայմանավորվել են բարելավել Նախիջևան մուտքի և ելքի հնարավորությունները
Իրանը և Ադրբեջանը պայմանավորվածություններ են ձեռք բերել Նախիջևան մուտքի և ելքի հնարավորությունների բարելավման շուրջ, հայտարարել է Ադրբեջանի փոխվարչապետ Շահին Մուստաֆաևը, հաղորդում են ադրբեջանական լրատվամիջոցները։ Նրա խոսքով, Ադրբեջանի կողմից օկուպացված Լեռնային Ղարաբաղի տարածքներում «ստեղծվում է նոր տրանսպորտային ենթակառուցվածք, կառուցվում է ավտոմայրուղի Հորադիզից Աղբանդ, վերականգնվում է երկաթուղային ենթակառուցվածքը»։ «Միաժամանակ քայլեր են ձեռնարկվում Նախիջևան մուտքի և ելքի հնարավորությունների բարելավման և բեռնափոխադրումների դյուրացման ուղղությամբ, պայմանավորվածություն է ձեռք բերվել Իրանի Իսլամական Հանրապետության հետ՝ լուծելու այդ խնդիրները»,- ասաց նա։ Մուստաֆաևն ասել է, որ Իրանի տարածքով Նախիջևանի հետ կապը կիրականացվի նաև կամուրջներով, «որոնք կկառուցվեն Զանգիլանի շրջանի Աղբանդ գյուղի մոտ և Նախիջևանի տարածքում»։ Նա հավելեց, որ ձեռք է բերվել փոխադարձ պայմանավորվածություն, կամուրջի նախագիծ է պատրաստվել։ Նա տեղեկացրեց, որ, բացի մայրուղուց, տարածքում նախատեսվում է կառուցել երկաթուղային կամուրջ։ Ամբողջական ենթակառուցվածքի ստեղծման աշխատանքները կավարտվեն մեկ տարվա ընթացքում։
About usyoo
Categories
Tags
