News - Վարչապետի աշխատակազմի ղեկավարը և ԱՄՆ ՄԶԳ պատվիրակությունը քննարկել են Հայաստանում բարեփոխումների ծրագիրը

ՀՀ վարչապետի աշխատակազմի ղեկավար Արայիկ Հարությունյանն ընդունել է ԱՄՆ Միջազգային զարգացման գործակալության (USAID) պատվիրակությանը։ Կառավարության մամուլի ծառայությունից NEWS.am -ին հայտնում են, որ պատվիրակությունն այցելում է Հայաստան՝ գնահատելու Լեռնային Ղարաբաղից բռնի տեղահանված հայերի կարիքները։ Այս համատեքստում զրուցակիցները քննարկել են ՀՀ կառավարության կողմից իրականացվող ռազմավարական հաղորդակցության և բարեփոխումների ծրագիրը, ինչպես նաև արագ արձագանքման անհրաժեշտությունը։ Երկուստեք ընդգծվել է կապի համակարգի ինստիտուցիոնալացումը։ Բացի այդ, ԱՄՆ ՄԶԳ պատվիրակության անդամները պատրաստակամություն են հայտնել շարունակական աջակցություն ցուցաբերել Հայաստանի կառավարությանը կարողությունների զարգացման, փորձի փոխանակման և ստեղծված իրավիճակին արագ արձագանքելու գործում: