News - Փաշինյան. խոստացված գումարը փոխանցվել է Ղարաբաղից բռնի տեղահանված մոտ 50.000 անձանց.

Խոստացված 100.000-ական դրամը րոպեներ առաջ փոխանցվեց Լեռնային Ղարաբաղից բռնի տեղահանված մոտ 50.000 մեր քույրերին ու եղբայրներին, ովքեր տեղահանման պահին արդեն բանկային քարտեր ունեին։ Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը։ «Մեր մյուս եղբայրներն ու քույրերը իրենց գումարը կփոխանցեն հենց իրենց [բանկ] քարտային հաշիվները ստուգվեն: Երեխաների գումարները կփոխանցվեն, երբ մայրերն արդեն հայտարարված ձևով կապեն իրենց տվյալները իրենց [բանկային] քարտային հաշիվներին: Առաջին և երկրորդ խմբի հաշմանդամներին և 75-ից բարձր տարիքային խմբին գումարը կփոխանցվի առձեռն՝ Հայփոստի միջոցով, հավելեց Փաշինյանը։ Ինչպես ավելի վաղ հաղորդվել էր, Հայաստանի կառավարության պահուստային ֆոնդից հատկացվել է 8 միլիարդ դրամ (մոտ 19 միլիոն ԱՄՆ դոլար)՝ Լեռնային Ղարաբաղից բռնի տեղահանված 80 հազար շահառուներին յուրաքանչյուրը 100 հազար դրամի միանվագ դրամական օգնություն տրամադրելու համար։