News - Ադրբեջանը հրապարակել է Ղարաբաղի նախկին պաշտոնյաների ձերբակալությունների կադրերը
Business Strategy
Ադրբեջանը հրապարակել է Ղարաբաղի նախկին պաշտոնյաների ձերբակալությունների կադրերը
Ադրբեջանի պետական անվտանգության ծառայությունը տեղեկություն է հրապարակել Լեռնային Ղարաբաղի Հանրապետության նախկին նախագահներ Բակո Սահակյանի և Արկադի Ղուկասյանի, ինչպես նաև Ազգային ժողովի նախկին նախագահ Դավիթ Իշխանյանի ձերբակալության մասին։ Ադրբեջանական APA լրատվական գործակալության փոխանցմամբ՝ երեքն էլ մեղադրվում են, ի թիվս այլոց, զինված խմբավորումների կազմակերպմանն ու ստեղծմանը մասնակցելու, ահաբեկչության ֆինանսավորման, Ադրբեջանի տարածքում ահաբեկչական հարձակումներ իրականացնելու վարժանքների անցկացման և այլնի մեջ։ Սեպտեմբերի 19-20-ը Լեռնային Ղարաբաղի դեմ իրականացված ռազմական ագրեսիայից հետո այս շաբաթ Ադրբեջանի ուժայինները ձերբակալել են Լեռնային Ղարաբաղի Հանրապետության նախկին ղեկավարներին։ Լեռնային Ղարաբաղի ողջ բնակչությունը օրերի ընթացքում թողել է իր տունն ու ունեցվածքը և տեղափոխվել Հայաստան։ Տարբեր գնահատականներով՝ Լեռնային Ղարաբաղում մնացել է 15-ից 40 հայ, հիմնականում մարդիկ, ովքեր դեռ հույս ունեն գտնել իրենց անհայտ կորած հարազատներին։
About usyoo
Categories
Tags
