News - ԵՄ-ն 9 մլն եվրո բյուջետային աջակցություն կտրամադրի Հայաստանին հակակոռուպցիոն միջոցառումների համար

Հինգշաբթի կառավարության նիստում ՀՀ կառավարությունը հավանություն է տվել Եվրոպական հանձնաժողովի հետ «Աջակցություն Հայաստանում արդարադատության և օրենքի գերակայության բարեփոխումներին. փուլ 2» ծրագրի ֆինանսավորման համաձայնագրի ստորագրմանը։ Արդարադատության փոխնախարար Արմենուհի Հարությունյանը, ներկայացնելով այս նախագիծը, նշեց, որ այս համաձայնագրով ԵՄ-ն Հայաստանին կտրամադրի 9 մլն եվրոյի չափով բյուջետային աջակցություն։ Եվս 2 մլն եվրո կտրամադրվի ծրագրի լրացուցիչ աջակցության համար: Իսկ ծրագրի տեւողությունը վեց տարի է։ Այս ծրագրի ընդհանուր նպատակն է նպաստել Հայաստանում արդարադատության և կոռուպցիայի դեմ պայքարի միջազգային չափանիշների ձեռքբերմանը, որոնք կապված են ազնվության և հաշվետվողականության, անկախության, որակի, արդյունավետության և բնակչությանը պատշաճ ծառայություններ մատուցելու հաստատությունների հասանելիության հետ: