News - Շոլցն Ալիևին ասում է, որ դեմ է ռազմական ուժի կիրառմանը
Business Strategy
Շոլցն Ալիևին ասում է, որ դեմ է ռազմական ուժի կիրառմանը
Գերմանիայի կանցլեր Օլաֆ Շոլցը հեռախոսազրույց է ունեցել Ադրբեջանի նախագահ Իլհամ Ալիեւի հետ, որի ընթացքում հայտարարել է, որ անընդունելի է համարում ռազմական ուժի կիրառումը։ Այս մասին լրագրողներին հայտնել է Գերմանիայի նախարարների կաբինետի ներկայացուցիչ Քրիստիանե Հոֆմանը։ «Նա [Շոլցը] ընդգծել է, որ Գերմանիայի կառավարությունը հաստատակամորեն հավատարիմ է [իրավիճակի] բանակցային կարգավորմանը և Ադրբեջանի և Հայաստանի միջև կայուն խաղաղության հաստատմանը` հիմնված Հայաստանի և Ադրբեջանի տարածքային ամբողջականության սկզբունքի վրա»,- հավելել է Հոֆմանը։ . Նրա խոսքով, Եվրոպական խորհրդի նախագահ Շառլ Միշելի ջանքերը վայելում են Գերմանիայի կառավարության լիակատար աջակցությունը։ «Կանցլերն ընդգծել է Լեռնային Ղարաբաղում իրավիճակի և դրա զարգացման առնչությամբ հնարավոր առավելագույն թափանցիկության կարևորությունը»,- ասել է Գերմանիայի նախարարների կաբինետի ներկայացուցիչը։ Շոլցը, ըստ նրա, նշել է, որ հոկտեմբերի 1-ին ՄԱԿ-ի առաքելության այցը Լեռնային Ղարաբաղ դրական քայլ է, որը պետք է զարգացնել։
About usyoo
Categories
Tags
