News - Մոհամմադ Հոսեյն Բաղերի. Իրանը պատրաստ է դիտորդներ ուղարկել հայ-ադրբեջանական սահման
Business Strategy
Մոհամմադ Հոսեյն Բաղերի. Իրանը պատրաստ է դիտորդներ ուղարկել հայ-ադրբեջանական սահման
Իրանը պատրաստ է դիտորդներ ուղարկել Հայաստանի և Ադրբեջանի սահմանին, հայտարարել է Իրանի զինված ուժերի գլխավոր շտաբի պետ, գեներալ-մայոր Մոհամմադ Հոսեյն Բաղերին Հայաստանի Անվտանգության խորհրդի քարտուղար Արմեն Գրիգորյանի հետ հանդիպման ժամանակ։ Իրանական Mehr լրատվական գործակալության փոխանցմամբ՝ Իրանը պատրաստ է նպաստել կովկասյան տարածաշրջանում լարվածության թուլացմանը։ Ասելով, որ Հարավային Կովկասում տեղի ունեցող իրադարձություններն ազդում են տարածաշրջանի անվտանգության վրա՝ Բաղերին նշել է, որ լարվածության շարունակությունը հակասում է Հայաստանի, Ադրբեջանի և տարածաշրջանի այլ երկրների շահերին։ Անդրադառնալով Հայաստանի և Ադրբեջանի սահման դիտորդներ ուղարկելու Իրանի պատրաստակամությանը, Բաղերին ընդգծել է, որ որևէ երկրի պաշտպանունակության կատարելագործումը չպետք է առաջնորդվի ագրեսիվ նպատակներով կամ մտադրություններով։ «Տարածաշրջանում խաղաղությունն ու անդորրը համապատասխանում են բոլոր երկրների շահերին, իսկ տարածաշրջանի անվտանգությունը պետք է ապահովվի տարածաշրջանի երկրների միջոցով, իսկ արտատարածաշրջանային ուժերի առկայությունը հակասում է խաղաղությանը»,- ասաց նա։ Խոսելով վերջերս Հայաստանում ԱՄՆ-ի զորավարժությունների մասին՝ գեներալ Բաղերին ասել է, որ արտատարածաշրջանային ուժերի առկայությունը տարածաշրջանում անկայունություն կհրահրի։
About usyoo
Categories
Tags
