News - Հայաստանում դպրոց է գնում Ղարաբաղից բռնի տեղահանված 4145 երեխա

Արցախի/Լեռնային Ղարաբաղից բռնի տեղահանված դպրոցահասակ երեխաների մոտ 20%-ը (4145) արդեն դպրոց է հաճախում Հայաստանում, չորեքշաբթի մամուլի ասուլիսի ժամանակ ասաց ՀՀ վարչապետի մամուլի քարտուղար Նազելի Բաղդասարյանը։ «Այս պահին Հայաստանում արդեն հաշվառված է 0-5 տարեկան 7996 երեխա, Լեռնային Ղարաբաղից՝ 6-19 տարեկան 21266 երեխա, 4145 երեխա արդեն ընդգրկված է ՀՀ տարբեր ուսումնական հաստատություններում»,- ասաց նա՝ հավելելով, որ. այն կազմում է Լեռնային Ղարաբաղից դպրոցահասակ երեխաների մոտ 20%-ը։ Նրանց բաշխվածությունը Հայաստանի դպրոցներում հետևյալն է՝ Սյունիքի մարզ՝ 285, Վայոց ձոր՝ 112, Գեղարքունիքի մարզ՝ 179, Արարատի մարզ՝ 758, Կոտայքի մարզ՝ 800, Արագածոտնի մարզ՝ 223, Արմավիրի մարզ՝ 410, Շիրակի մարզ՝ 177, Լոռու մարզ՝ 185, Տավուշի մարզ՝ 161 և Երևան՝ 850 երեխա։ Սեպտեմբերի 19-ին Ադրբեջանի ռազմական ագրեսիայի պատճառով Ղարաբաղը լքել է ավելի քան 100 հազար մարդ։