News - Պեսկով. Մոսկվան որոշակի շփում է ունեցել Արևմուտքի հետ Ղարաբաղում իրավիճակի շուրջ

Մոսկվան որոշակի շփում է ունեցել Արևմուտքի հետ՝ կապված Լեռնային Ղարաբաղի շուրջ ստեղծված իրավիճակի հետ, բայց ոչ այն, ինչի մասին գրում է Politico-ն, լրագրողներին ասել է ՌԴ նախագահի մամուլի քարտուղար Դմիտրի Պեսկովը։ «Ոչ այնպես, ինչպես նկարագրված է. Այդ նյութում կան բազմաթիվ անճշտություններ, բազմաթիվ սխալներ։ Եղել են որոշակի շփումներ Ղարաբաղի հետ կապված։ Բայց դրանք այն բանակցությունները չեն, որոնք այնտեղ գրված են»,- Պեսկովի խոսքերն է մեջբերում ՏԱՍՍ-ը։ Ավելի վաղ Politico-ն հայտնել էր Թուրքիայում ԱՄՆ-ի, ԵՄ-ի և Ռուսաստանի ներկայացուցիչների գաղտնի բանակցությունների մասին։ Ըստ թերթի՝ հանդիպումը տեղի է ունեցել Արցախի վրա Ադրբեջանի հարձակումից մի քանի օր առաջ։ ՌԴ ԱԳՆ պաշտոնական ներկայացուցիչ Մարիա Զախարովան ասել է, որ Բրյուսելն ու Վաշինգտոնը խնդրել են Մոսկվային հանդիպում կազմակերպել Լեռնային Ղարաբաղի թեմայով մինչև ճգնաժամի սկիզբը։ Չորեքշաբթի օրը կայացած ճեպազրույցի ժամանակ դիվանագետը պարզաբանել է, որ հանդիպմանը Ռուսաստանի Դաշնությունը, Միացյալ Նահանգները և ԵՄ-ն պարբերաբար մտքեր են փոխանակել Ղարաբաղի վերաբերյալ։ «Սրա մեջ ոչ մի գաղտնիք չկա, դա կարծիքների պարբերական փոխանակում էր, բայց մենք կհետևենք, թե ինչպես է Արևմուտքը ներկայացնում ամեն ինչ, և այստեղից պարզ կդառնան այն նպատակները, որոնք ի սկզբանե եղել են նրանց առաջ»,- ասել է Զախարովան։