News - Միրզոյան. Ղարաբաղում էթնիկ զտումները միջազգային դերակատարների ոչ պատշաճ գործողությունների հետևանք են

Հայաստանի արտգործնախարար Արարատ Միրզոյանը հոկտեմբերի 3-ին հեռախոսազրույց է ունեցել Նորվեգիայի արտաքին գործերի նախարար Աննիկեն Հյուիթֆիլդի հետ։ Զրույցի ընթացքում նախարար Միրզոյանն իր նորվեգացի գործընկերոջը ներկայացրել է Լեռնային Ղարաբաղում (Արցախում) Ադրբեջանի շարունակական ագրեսիվ քաղաքականության և էթնիկ զտումների հետևանքով ստեղծված իրավիճակը։ Նա կարեւորեց հարցի միջազգային քաղաքական ու հումանիտար ասպեկտները։ Քննարկումն անդրադարձավ նաև Լեռնային Ղարաբաղից բռնի տեղահանված ավելի քան 100000 բնակչության առաջնային կարիքների գնահատմանը և այդ կարիքների լուծմանն ուղղված Հայաստանի կառավարության ջանքերին։ Նախարար Միրզոյանն ընդգծել է, որ Լեռնային Ղարաբաղում Ադրբեջանի կողմից իրականացվող միտումնավոր և փաստացի էթնիկ զտումները հետևանք են Ադրբեջանի անպատժելիության զգացման և միջազգային դերակատարների ոչ տեղին ու նպատակային գործողությունների։ Նա ընդգծել է Ադրբեջանի ծայրահեղական հավակնությունների և տարածաշրջանի ապակայունացմանն ուղղված ջանքերի զսպման կարևորությունը։ Զրույցի ընթացքում անդրադարձ է կատարվել նաև Հայաստանի և Նորվեգիայի միջև երկկողմ օրակարգին, ինչպես նաև Եվրամիության հետ Հայաստանի փոխգործակցությանը վերաբերող հարցերի։