News - Sputnik Արմենիա. ԵՄ-ն առաջընթաց է ակնկալում Հայաստան-Ադրբեջան սահմանի սահմանագծման հարցում, նշում է աղբյուրը

Եվրամիությունը (ԵՄ) առաջընթաց է ակնկալում Հայաստանի և Ադրբեջանի միջև սահմանների սահմանագծման հարցում, Բրյուսելում լրագրողներին հայտնել է ԵՄ բարձրաստիճան աղբյուրը, փոխանցում է Sputnik Արմենիան։ Ինչ վերաբերում է սահմանների սահմանազատմանը, ապա անցած ամիսներին մեծ աշխատանք է կատարվել, և, իդեալական դեպքում, նրանք կցանկանային համաձայնության գալ հետագա քայլերի շուրջ, թե ինչ հիմքով է ընթանալու սահմանի սահմանազատումը, ինչ քարտեզներով և սկզբունքներով, հավելեց աղբյուրը։ Նա հաստատել է, որ Հայաստանի և Ադրբեջանի ղեկավարներ Նիկոլ Փաշինյանը և Իլհամ Ալիևը մասնակցելու են Գրանադայում կայանալիք Եվրոպական քաղաքական համայնքի գագաթնաժողովին։ Անցած շաբաթ ակտիվ շփումներ են եղել, և նրանք ուսումնասիրում են, թե արդյոք հնարավոր է առաջ շարժվել՝ չնայած տեղում տիրող բարդ իրավիճակին, նշել է աղբյուրը և հիշեցրել, որ նախկինում հնարավոր է եղել հասնել տարածքային ամբողջականության փոխադարձ ճանաչման։