News - ՏԱՍՍ. ԵՄ-ն շարունակում է ջանքեր գործադրել՝ կազմակերպելու հայ-ադրբեջանական ղեկավարների հանդիպումը

Եվրոպական խորհրդի ղեկավար Շառլ Միշելը համառորեն աշխատում է հոկտեմբերի 5-ին Իսպանիայի Գրանադա քաղաքում կայանալիք Եվրոպական քաղաքական համայնքի գագաթնաժողովի ժամանակ Հայաստանի և Ադրբեջանի ղեկավարների հանդիպում կազմակերպելու ուղղությամբ։ Այս տեղեկությամբ լրագրողների հետ կիսվել է Բրյուսելում ԵՄ բարձրաստիճան ներկայացուցիչը։ ՏԱՍՍ-ի փոխանցմամբ՝ նման հանդիպման հնարավորության վերաբերյալ դիվանագետը հայտարարել է, որ դեռ վաղ է հաստատել, սակայն նշել է, որ այս հարցում պետք է հստակություն լինի մինչև հոկտեմբերի 4-ի գիշերը։ ԵՄ-ն նպատակ ունի հանդիպումը կազմակերպել «երկու գումարած երեք» ձևաչափով, որին կմասնակցեն Հայաստանը, Ադրբեջանը, ինչպես նաև Ֆրանսիան, Գերմանիան և Եվրոպական խորհուրդը։ Նպատակն է առաջընթաց գրանցել Բաքվի և Երևանի միջև հարաբերությունների կարգավորման ուղղությամբ՝ չնայած տեղում տիրող դժվարին իրավիճակին։