News - Պեսկով. Կրեմլը չէր ցանկանա, որ Պուտինը հրաժարվի Հայաստան այցելելուց

Ռուսաստանը չէր ցանկանա, որ ՌԴ նախագահ Վլադիմիր Պուտինը երբևէ ստիպված լինի հրաժարվել Հայաստան այցելելուց, լրագրողներին ասել է պետության ղեկավարի մամուլի քարտուղար Դմիտրի Պեսկովը։ «Իհարկե, մենք չէինք ցանկանա, որ նախագահը մի օր ինչ-ինչ պատճառներով հրաժարվի Հայաստան այցելելուց»,- ասաց նա՝ պատասխանելով հարցին, թե Երևանի կողմից Հռոմի ստատուտի վավերացումը նշանակում է, որ ՌԴ նախագահը կխուսափի Հայաստան այցելելուց։ Ավելի վաղ Միջազգային քրեական դատարանը ուկրաինացի երեխաներին ապօրինի արտաքսելու մեղադրանքով ՌԴ նախագահին և երեխաների իրավունքների հարցերով նախագահի հանձնակատար Մարիա Լվովա-Բելովային կալանավորել էր։ Մոսկվան մերժում է նման մեղադրանքները՝ հարցի ձևակերպումն անվանելով վրդովեցուցիչ, ինչպես նաև նշելով, որ Ռուսաստանը չի ճանաչում ՄՔԴ-ի իրավասությունը, հետևաբար դատարանի որոշումները նրա համար էական չեն։