News - Մինչև 700 բեռնատարներ հերթ են կանգնել ռուս-վրացական սահմանին

Ավելի քան 600 բեռնատարներ սպասում են Հյուսիսային Օսիայի ռուս-վրացական սահմանի Վերին Լարսի անցակետով անցնելուն, անցյալ շաբաթ «Ինտերֆաքս»-ին հայտնել են Հյուսիսային Օսիայի ներքին գործերի նախարարության մամուլի ծառայությունից։ «Օգոստոսի 30-ին, Մոսկվայի ժամանակով ժամը 05:00-ի դրությամբ, Վերին Լարսի անցակետով Վրաստան անցնելու համար սպասում է 610 ծանր մեքենա»,- ասել է վերոնշյալ լրատվական գործակալության զրուցակիցը։ Իսկ երկուշաբթի առավոտվա դրությամբ հերթում մինչև 700 ծանր բեռնատար է եղել։ Ավելի վաղ Հյուսիսային Օսիայի փոխվարչապետ Իրբեկ Տոմաևը հայտնել էր, որ ճանապարհային աշխատանքները հանգեցրել են Վերին Լարսի անցակետում ռուս-վրացական սահմանը հատելու սպասող ծանր բեռնատարների հերթի ավելացմանը։ Նա հավելել էր, որ այս ճանապարհի աշխատանքները կավարտվեն երեք օրվա ընթացքում։ Վերին Լարսի անցումը գտնվում է վրացական ռազմական ճանապարհի վրա, որը ներկայումս ոչ միայն Վրաստանը, այլև Հայաստանը Ռուսաստանին կապող միակ ցամաքային ճանապարհն է։