News - Հայաստանի վարչապետը Եվրահանձնաժողովի նախագահի հետ քննարկել է ղարաբաղյան հիմնախնդիրը

ՀՀ վարչապետ Նիկոլ Փաշինյանը հեռախոսազրույց է ունեցել Եվրոպական հանձնաժողովի նախագահ Ուրսուլա ֆոն դեր Լեյենի հետ։ ՀՀ կառավարության հաղորդագրության համաձայն՝ քննարկվել են Լեռնային Ղարաբաղից հայերի բռնի տեղահանման հետևանքով ստեղծված իրավիճակին, տարածաշրջանային իրավիճակին և Հայաստան-ԵՄ համագործակցությանը վերաբերող հարցեր։ Երկու պաշտոնյաները պայմանավորվել են շարունակել քննարկումները այս շաբաթ Գրանադայում կայանալիք Եվրոպական քաղաքական համայնքի երրորդ գագաթնաժողովի շրջանակներում։