News - Թուրքիան քննարկում է «Բայրաքթար Աքընջի» անօդաչու թռչող սարքերի մատակարարումը Ուկրաինային

Թուրքիան դիտարկում է «Bayraktar Akinci» անօդաչու թռչող սարքերի մատակարարումը Ուկրաինային, հայտարարել է Bayrak անօդաչու թռչող սարքեր արտադրող ընկերության գործադիր տնօրեն Հալուք Բայրաքթարը։ Այս մասին Բայրաքթարը հայտարարել է «Ազատություն» ռադիոկայանին տված հարցազրույցում, փոխանցում է ՏԱՍՍ-ը։ Նա հայտարարել է, որ հարցը ներկայումս գտնվում է վերանայման փուլում՝ ընդգծելով, որ Ուկրաինայում կոնկրետ տեսակի անօդաչու թռչող սարք արտադրելու համար ընկերության կողմից պահանջվում է Թուրքիայի կառավարության թույլտվությունը։ Նա նաեւ ասաց, որ պաշտպանական համագործակցության համար անհրաժեշտ են պետական ​​թույլտվություններ, եւ իրենք ունեցել են այդ թույլտվությունը։ Ուստի Աքընջիի հարցը քննարկման փուլում է, հավելել է նա։ Բայրաքթարը նաև բացահայտեց 1,5 տարվա ընթացքում Ուկրաինայում անօդաչու թռչող սարքերի արտադրության գործարանի կառուցումն ավարտելու պլանները։ Ընկերությունը մտադիր է մոտ 100 մլն դոլար ներդնել Ուկրաինայում, որը կբավարարի գործարանի շինարարությունը, ընկերության սպասարկման կենտրոնի և Ուկրաինայում նրա գլխամասային գրասենյակի կարիքները, պարզաբանել է նա։