News - Ֆրանսիայի արտգործնախարարը հաստատում է աջակցությունը Հայաստանի ինքնիշխանությանն ու տարածքային ամբողջականությանը

Հոկտեմբերի 3-ին Հայաստան կատարած այցի ընթացքում նախատեսվում է Ֆրանսիայի արտգործնախարար Քեթրին Կոլոնայի հանդիպումը վարչապետ Նիկոլ Փաշինյանի հետ։ Այցի ընթացքում նախարար Կոլոննան իր հայ գործընկեր Արարատ Միրզոյանի կողքին կայցելի Արցախից (Լեռնային Ղարաբաղ) փախստականներին, ովքեր ստիպված են եղել լքել իրենց տները սեպտեմբերի 19-ին Ադրբեջանի հարձակումից հետո։ Ֆրանսիայի արտաքին գործերի նախարարությունը հայտարարել է, որ նախարար Կոլոնան կկրկնի Հայաստանի հետ համագործակցության Ֆրանսիայի հանձնառությունը։ Նա վերահաստատելու է Ֆրանսիայի աջակցությունը Հայաստանի ինքնիշխանությանն ու տարածքային ամբողջականությանը` միաժամանակ զգոն մնալով այս հարցերում: Հայաստանի իշխանությունների հետ միասին նա կուսումնասիրի տարբեր ոլորտներում համագործակցությունը ընդլայնելու կոնկրետ ուղիներ: Նախարար Քեթրին Կոլոննան կկարեւորի Ֆրանսիայի ջանքերը Կովկասում արդար և կայուն խաղաղության հասնելու և Լեռնային Ղարաբաղում հայ բնակչության իրավունքների ապահովման ուղղությամբ։ Ֆրանսիայի հանձնառությունն արտահայտվում է տրամադրվող մարդասիրական օգնության եռապատկմամբ, որը տարեսկզբից հասել է 12,5 միլիոն եվրոյի։