

Թուրքիայի իշխանությունները հայտարարել են Հյուսիսային Իրաքում քուրդ ապստամբներին «չեզոքացնելու» և նրանց պահեստների ու ապաստարանների ոչնչացման մասին։ Այս մասին հայտարարել է Թուրքիայի ազգային պաշտպանության նախարարությունը այն բանից հետո, երբ մի քանի ժամ անց Անկարայում տեղի ունեցած պայթյունի պատասխանատվությունը ստանձնել է Քրդստանի աշխատավորական կուսակցությունը (PKK): Պայթյունը տեղի է ունեցել կիրակի առավոտյան Թուրքիայի մայրաքաղաքի կառավարական շենքի մոտ։ Երկու հարձակվողներն էլ սպանվել են, երկու ոստիկան վիրավորվել են։ «Ընդհանուր առմամբ ոչնչացվել են 20 օբյեկտներ, այդ թվում՝ քարանձավներ, բունկերներ, թաքստոցներ և պահեստներ, որոնք օգտագործվում էին անջատողական ահաբեկչական կազմակերպության կողմից»,- ասել է Թուրքիայի պաշտպանության նախարարությունը՝ հավելելով, որ շատ զինյալներ «չեզոքացվել են»։