News - Փոխվարչապետ. Վեց ամիս Հայաստանի կառավարությունը ղարաբաղցիներին 50.000 դրամ կվճարի որպես աջակցություն

Լեռնային Ղարաբաղից բռնի տեղահանված յուրաքանչյուր անձ, անկախ տարիքից, ՀՀ կառավարությունից կստանա 100 հազար դրամ միանվագ վճար, կիրակի օրը լրագրողների հետ հանդիպման ժամանակ ասաց փոխվարչապետ Տիգրան Խաչատրյանը։ «Որոշել ենք ֆինանսական աջակցություն ցուցաբերել՝ անկախ տարիքից, որով լուծելու են ամենագլխավոր խնդիրները, արդեն վաղը կառավարությունը կհստակեցնի, թե ինչ ընթացակարգով են ընդունվելու այդ դիմումները, ավելի մանրամասն տեղեկատվություն կլինի դրա մասին։ կարող են դիմել երեքշաբթի օրվանից»,- ասաց նա։ Տիգրան Խաչատրյանը պարզաբանեց, որ բանկային հաշիվներ և քարտեր ունեցողներին գումարը կփոխանցվի, իսկ չունեցողներին կտրվեն նոր քարտեր։ Նա պարզաբանեց, որ յուրաքանչյուր տեղահանվածի կեցության ծախսերը հոգալու համար լրացուցիչ կտրամադրվի 40000 դրամ։ Բացի այդ, կոմունալ ծախսերի համար յուրաքանչյուր անձին կտրվի 10000 դրամ։ Կառավարության կողմից այս աջակցությունը կտևի վեց ամիս, հավելել է նա։ Ընդհանուր առմամբ 100 483 մարդ բռնի տեղահանվել է Լեռնային Ղարաբաղից և արդեն Հայաստանում է, նրանցից 45 516-ին կառավարությունը կացարան է հատկացրել։