News - Հայաստանի վարչապետը շնորհավորել է Կիպրոսի նախագահին Անկախության օրվա առթիվ

Վարչապետ Նիկոլ Փաշինյանը շնորհավորական ուղերձ է հղել Կիպրոսի Հանրապետության նախագահ Նիկոս Խրիստոդուլիդեսին՝ Անկախության օրվա առթիվ, հայտնում է վարչապետի մամուլի ծառայությունը։ Ուղերձում, մասնավորապես, ասված է. «Սրտանց շնորհավորում եմ ձեզ Կիպրոսի Հանրապետության Անկախության օրվա առթիվ։ Հայաստանը կարևորում է բարեկամ Կիպրոսի հետ եղբայրական հարաբերությունների շարունակական զարգացումն ու ամրապնդումը։ Երկու երկրների միջև տարբեր մակարդակներով հանդիպումների ինտենսիվությունը վկայում է. բոլոր ուղղություններով առկա փոխշահավետ համագործակցությունն էլ ավելի ընդլայնելու մեր հաստատակամ հանձնառությանը: Երկու եղբայրական ժողովուրդների ավանդական բարեկամական հարաբերությունները, որոնք խարսխված են ընդհանուր պատմական և մշակութային հարուստ ժառանգության և ընդհանուր արժեքային համակարգի վրա, շարունակում են ամրապնդվել սերտ համագործակցության շնորհիվ՝ դառնալով Վստահ եմ, որ համատեղ ջանքերի շնորհիվ մեր երկրների համագործակցությունը երկկողմ և բազմակողմ ձևաչափերում ապագայում էլ ավելի կամրապնդվի՝ ի շահ երկու բարեկամ ժողովուրդների»,- ասված է ուղերձում։