

Երեկ՝ սեպտեմբերի 29-ին, Արարատի մարզում Արցախի Հանրապետությունից արտագաղթած քաղաքացին հանկարծամահ է եղել, հայտնում է Shamshyan.com-ը։ Ժամը 10:00-ի սահմաններում ՀՀ ՆԳՆ Ոստիկանության Արտաշատի բաժնում ահազանգ է ստացվել, որ Արտաշատի բժշկական կենտրոն է բերվել տղամարդու դի։ Ոստիկաններն ու քննիչները պարզել են, որ մահացածը Արցախի Հանրապետության Վանք գյուղի 103-ամյա բնակիչ է։ Դեպքի առթիվ Արարատի մարզային քննչական վարչությունում հարուցվել է քրեական գործ։