News - Գերմանիան մտահոգված է, որ Լեռնային Ղարաբաղը «շուտով կարող է գործնականում հայաթափվել».

Լեռնային Ղարաբաղի գրեթե բոլոր բնակիչները կարող են լքել տարածաշրջանը՝ փախչելով Ադրբեջանի ռազմական գործողության հետեւանքներից։ Այս մտահոգությունը Table.Media-ին տված հարցազրույցում հայտնել է Գերմանիայի Դաշնային արտաքին գործերի նախարարության Հարավային Կովկասի երկրների հետ միջհասարակական համագործակցության համակարգող Ռոբին Վագեները։ «Արդեն մի քանի օր է, ինչ տասնյակ հազարավոր մարդկանցով մեքենաների շարասյուններ են շարժվում Լեռնային Ղարաբաղից Հայաստան տանող ճանապարհով»,- ասել է Վագեները, փոխանցում է DW-ն։ «Մենք պետք է վախենանք, որ առաջիկա օրերին բնակիչների ճնշող մեծամասնությունը կմիանա նրանց, ինչի պատճառով Լեռնային Ղարաբաղը կարող է գործնականում հայաթափվել։ Չնայած Հայաստանի հետ ընթացող խաղաղ բանակցություններին, Ադրբեջանը հույսը կապել է ռազմական լուծման վրա, ընդգծել է Գերմանիայում իշխող կոալիցիայի մաս կազմող դաշինքի 90/Կանաչների դաշինքի անդամ Ռոբին Վագեները։ «Լեռնային Ղարաբաղի բնակիչներից շատերն այլևս չեն տեսնում իրենց անվտանգ ապագան տարածաշրջանում»,- հայտարարեց նա։