

Ներկայումս Հայաստանի հիվանդանոցներում բուժում է ստանում Լեռնային Ղարաբաղից բռնի տեղահանված 405 անձ։ Այս մասին ճեպազրույցի ժամանակ հայտնեց ՀՀ վարչապետի մամուլի խոսնակ Նազելի Բաղդասարյանը։ Այս հիվանդներից 337-ը քաղաքացիներ են, որոնք վնասվածքներ են ստացել վերջին ռազմական գործողությունների և պայթյունի հետևանքով։ Այս վնասվածքների ծանրությունը տարբեր է, 10 երեխա ներկայումս գտնվում է վերակենդանացման բաժանմունքում: Ըստ Բաղդասարյանի՝ այս երեխաներից 5-ի վիճակը ծանր է, 1 երեխայի վիճակը գնահատվում է ծայրահեղ ծանր։