News - Զիմբաբվեի դեսպանն իր հավատարմագրերի պատճենը հանձնեց ՀՀ ԱԳ փոխնախարարին

Հայաստանի Հանրապետության արտաքին գործերի նախարարի տեղակալ Վահան Կոստանյանը սեպտեմբերի 28-ին ընդունել է Զիմբաբվեի Հանրապետության նորանշանակ դեսպան Բրայթ Կուպեմբային (նստավայրը՝ Թեհրան)՝ հավատարմագրերի պատճենի հանձնման կապակցությամբ։ Շնորհավորելով կարևոր առաքելությունը ստանձնելու կապակցությամբ՝ փոխնախարար Վահան Կոստանյանն իր համոզմունքն է հայտնել, որ դեսպանը կնպաստի Հայաստան-Զիմբաբվե հարաբերությունների հետագա ամրապնդմանն ու խորացմանը։ Երկուստեք նշվել է երկկողմ համագործակցության զգալի չիրացված ներուժը և պատրաստակամություն հայտնել ջանքեր գործադրել ներդրումների ներգրավման, առևտրատնտեսական և կրթամշակութային կապերի հաստատման ուղղությամբ։ Փոխնախարար Վահան Կոստանյանը դեսպանին ներկայացրել է տարածաշրջանում առկա անվտանգության և հումանիտար իրավիճակը։