News - Լեմկինի ինստիտուտ. Ռուբեն Վարդանյանի կալանավորումն Ադրբեջանի կողմից խոշտանգումների, արտադատական ​​մահապատժի շատ բարձր ռիսկ է պարունակում

Լեմկինի ինստիտուտը խորապես մտահոգված է Ադրբեջանի պետական ​​սահմանային ծառայության կողմից Արցախի նախկին պետնախարար Ռուբեն Վարդանյանի ձերբակալության և կալանավորման հրատապ լուրերով։ Լեմկինի Ցեղասպանության կանխարգելման ինստիտուտը այս մասին նշել է X-նախկին Twitter-ում հրապարակված հայտարարության մեջ: Այն ավելացրել է հետևյալ կերպ. Վարդանյանը՝ Արցախի [(Լեռնային Ղարաբաղի)] ինքնորոշման իրավունքի բացահայտ ջատագովը, հատկապես ատելի է Ադրբեջանի կողմից։ Նրա կալանավորումը խոշտանգումների և արտադատական ​​մահապատժի կամ ցուցադրական դատավարության շատ բարձր ռիսկ է պարունակում: Նա և Արցախի կառավարության և ինքնապաշտպանության բանակի այլ ներկա և նախկին անդամները որակվել են որպես «անջատողականներ» և «ահաբեկիչներ», կատեգորիաներ, որոնք պետություններն օգտագործում են ապօրինի կալանավորումն ու սպանությունն արդարացնելու համար։ Վարդանյանի կյանքի և անվտանգության համար մտահոգությունը հատկապես հիմնավորված է՝ հաշվի առնելով այն վերաբերմունքը, որին արժանանում են հայ ռազմագերիները ադրբեջանական գերության մեջ 2020 թվականից ի վեր։  Նրանք խոշտանգումների են ենթարկվել, նվաստացվել, սպանվել, անհետացել և ենթարկվել ցուցադրական դատավարությունների։ Սա լավ փաստագրված է: Ռուսաստանը և Միացյալ Նահանգները, ինչպես նաև աշխարհի բոլոր առաջնորդները պետք է պահանջեն Վարդանյանի անվտանգ անցումը Ադրբեջանից և պետք է ապահովեն, որ Արցախի կառավարության մյուս անդամներին, ինչպես նաև Արցախի պաշտպանության բանակի անդամներին նույնպես թույլ տան հեռանալ։ Մենք հիշեցնում ենք աշխարհին, որ էլիտաների կալանավորումը, սպանությունն ու անհետացումը սովորական ցեղասպանություն է։