

Ադրբեջանցի երկու զինծառայող կրակել են Արցախի 13-րդ դարի Չարեքթար վանական համալիրի վրա։ Սա կարելի է տեսնել մի տեսանյութում, որը տարածել է Caucasus Heritage Watch կազմակերպությունը X-ում՝ նախկինում Twitter-ում: Տեսանյութից պարզ է դառնում, որ այս հայկական վանքի վրա կրակում են անգամ զրահամեքենայից։ «Նման հարձակումներն ուղղակիորեն խախտում են ICJ-ի [(Արդարադատության միջազգային դատարան)] ժամանակավոր միջոցը հայկական մշակութային ժառանգության վերաբերյալ և պետք է հետաքննվեն և հետապնդվեն», - ավելացրել է Caucasus Heritage Watch-ը։