News - Վերոնիկա Զոնաբենդ. Ղարաբաղի նախկին պետնախարար Ռուբեն Վարդանյանը ձերբակալված է, գերության մեջ է Ադրբեջանի իշխանությունների կողմից.
Business Strategy
Վերոնիկա Զոնաբենդ. Ղարաբաղի նախկին պետնախարար Ռուբեն Վարդանյանը ձերբակալված է, գերության մեջ է Ադրբեջանի իշխանությունների կողմից.
Արցախի նախկին պետնախարար Ռուբեն Վարդանյանի կինը՝ Վերոնիկա Զոնաբենդը, չորեքշաբթի հայտարարություն է տարածել ամուսնու հետ կատարվածի մասին։ Հայտարարության մեջ ասվում է. «Ամուսինս՝ բարերար, գործարար և Արցախի նախկին պետնախարար Ռուբեն Վարդանյանը, ձերբակալվել և գերի է ընկել ադրբեջանական իշխանությունների կողմից՝ այսօր առավոտյան, երբ նա փորձում էր հեռանալ ադրբեջանական օկուպացիայից մազապուրծ եղած հազարավոր հայերի հետ։ Ռուբենը 10-ամսյա շրջափակման ժամանակ կանգնեց արցախցիների կողքին և նրանց հետ միասին տուժեց գոյամարտում։ Ես խնդրում եմ ձեր աղոթքներն ու աջակցությունը՝ ամուսնուս անվտանգ ազատ արձակումն ապահովելու համար»: Ավելի վաղ NEWS.am-ը հայտնել էր, որ չորեքշաբթի մամուլում լուրեր էին տարածվել, որ Լաչինի միջանցքով անցնելիս ձերբակալվել է Արցախի նախկին պետնախարար Ռուբեն Վարդանյանը։ Վարդանյանի գրասենյակից NEWS.am -ին հայտնեցին, որ նրա կինը՝ Վերոնիկա Զոնաբենդը, առաջիկայում հայտարարությամբ հանդես կգա։ Զոնաբենդը ՍիվիլՆեթին ասել է, որ ամուսնու հետ կապը կորել է, և ինքը տեսել է ադրբեջանական լրատվամիջոցներում նրա ձերբակալության մասին լուրերը։ Այլ մանրամասներ Վերոնիկա Զոնաբենդը չի հայտնել։
About usyoo
Categories
Tags
