

Ադրբեջանական լրատվամիջոցները տեսանյութ են տարածել, որտեղ պատկերված է Արցախի (Լեռնային Ղարաբաղի) նախկին պետնախարար Ռուբեն Վարդանյանի գերության մեջ։ Ավելի վաղ Ադրբեջանի պետական սահմանային ծառայությունը հաստատել էր, որ Վարդանյանը ձերբակալվել է Արցախից հեռանալու փորձի ժամանակ, և հրապարակել էր համապատասխան լուսանկար։ Իսկ Ռուբեն Վարդանյանի կինը՝ Վերոնիկա Զոնաբենդը, հայտարարություն է տարածել՝ հայտնելով, որ այսօր առավոտյան իր ամուսինը ձերբակալվել և գերի է ընկել ադրբեջանական իշխանությունների կողմից սահմանին, երբ նա հազարավոր այլ հայերի հետ փորձում էր հեռանալ Արցախից։