

Թուրքիայի նախագահ Ռեջեփ Թայիփ Էրդողանը, Նախիջևանից Անկարա վերադառնալու ճանապարհին պատասխանելով թուրք լրագրողների հարցերին, բացահայտեց, թե ինչ է ասել ՀՀ վարչապետ Նիկոլ Փաշինյանին իրենց հեռախոսազրույցի ժամանակ։ Ըստ թուրքական «Անադոլու» գործակալության՝ Էրդողանն ասել է, որ սեպտեմբերի 11-ին Նիկոլ Փաշինյանի հետ հեռախոսազրույցի ժամանակ նրան ասել է, որ Թուրքիան ակնկալում է, որ Հայաստանը կցուցաբերի ամուր կամք՝ գործընթացը հետաձգելու փոխարեն։ «Ադրբեջանի և Հայաստանի միջև հարաբերություններում առաջընթացը կարագացնի տարածաշրջանային կարգավորումը: Մենք կշարունակենք աշխատել Ադրբեջանի հետ Հարավային Կովկասում կայունության, խաղաղության և բարգավաճման համար», - ասել է նա: