News - Նախարար. Ղարաբաղցի մեր հայրենակիցներից ոչ մեկը Հայաստանում անօթևան չի մնա

Մենք ունենք 20 հազարից ավելի բռնի տեղահանվածներ, որոնք արդեն գտնվում են Հայաստանի տարածքում, լրագրողների հետ ճեպազրույցում ասաց տարածքային կառավարման և ենթակառուցվածքների նախարար Գնել Սանոսյանը։ «Երբ գործընթացը սկսվեց, մենք սկզբում սկսեցինք մեր հայրենակիցներին բնակեցնել Սյունիքում, հետո՝ Վայոց Ձորում, հիմա մեր հայրենակիցները բավականին ակտիվ են հաստատվում Գեղարքունիքի մարզում, Կոտայքում, Տավուշում, Արմավիրում և Արարատի մարզերում։ Հանրապետության համայնքներում առանձնացրել ենք աշխատանքային խմբեր, կան պատասխանատուներ, հրապարակել ենք նրանց կոնտակտային տվյալները, որպեսզի այն մեր հայրենակիցները, ովքեր պատշաճ գրանցում չեն անցել, կամ չեն ցանկացել դա անել Գորիսում կամ Վայքում, կարող են մոտենալ տվյալ համայնքներին, այնտեղ գրանցում կիրականացվի, որպեսզի նրանք կարողանան ստանալ այդ ծրագրերի առաջարկած աջակցությունը։ Մենք կիմանանք նաև նրանց գտնվելու վայրը, սովորությունները և այլն»,- ասաց նա։ Հարցին, թե որն է պետության ծրագիրը, երբ արդեն զբաղեցված են բոլոր հյուրանոցներն ու հյուրատները, Սանոսյանը պատասխանեց. սեփականատիրոջ, սա շարունակական գործընթաց է, վստահեցնում եմ, որ մեր հայրենակիցներից ոչ ոք անօթևան չի մնա»։