News - Պեսկով. Չարժե համեմատել Ռուսաստանի, ԱՄՆ հարաբերությունների աստիճանը Հայաստանի հետ

Տնտեսության ոլորտում Մոսկվայի և Երևանի համագործակցությունը նշանակալի ներդրում ունի Հայաստանի զարգացման գործում և չի կարող համեմատվել Երևանի և Վաշինգտոնի համագործակցության մակարդակի հետ, լրագրողներին ասել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։ «Իհարկե, ԱՄՆ-ն և Հայաստանը ինքնիշխան երկրներ են, նրանք ունեն իրենց ուղղությունները, որոնցում զարգացնում են փոխգործակցությունն ու երկխոսությունը: Մենք զարգանում ենք մեր ուղղություններով»,- ասել է Պեսկովը։ Խոսելով էներգետիկայի և մի շարք այլ ոլորտների մասին՝ նա նշել է, որ «հազիվ թե համեմատելի բան լինի այն խորության հետ, որը Հայաստանը ունի ռուսական տնտեսության հետ»։ «Հազիվ թե ինչ-որ բան կարելի է համեմատել Հայաստանի տնտեսության անուղղակի սուբսիդավորման հետ։ Չմոռանանք, որ բնական տարբեր պաշարների մատակարարումները բավականին արտոնյալ են, [մի մոռացեք] այն օգնությունը, որ տալիս է Ռուսաստանը։ Սա շատ նշանակալի ներդրում է Հայաստանի զարգացման գործում։ եւ հայ ժողովուրդը, Ռուսաստանը դա արել է եւ կշարունակի անել»,- ասել է Պեսկովը։ «Հետևաբար, իհարկե, դժվար թե հնարավոր լինի համեմատել մեր փոխգործակցության մակարդակը, մեր ներգրավվածությունն այս փոխգործակցության մեջ ամերիկացիների ներգրավվածության հետ»,- եզրափակել է ՌԴ նախագահի մամուլի քարտուղարը։