News - Կոնգրեսական Ադամ Շիֆը կոչ է անում ԱՄՆ վարչակազմին անհապաղ մարդասիրական օգնություն ուղարկել Ղարաբաղի հայերին

ԱՄՆ Ներկայացուցիչների պալատի անդամ և ԱՄՆ Կոնգրեսի հայկական հարցերով հանձնախմբի համանախագահ Ադամ Շիֆը կոչ է արել ԱՄՆ վարչակազմին անհապաղ մարդասիրական օգնություն ուղարկել Արցախի (Լեռնային Ղարաբաղի) հայերին։ «Իմ գրասենյակն ուշադիր հետևում է Արցախում զարգացող իրավիճակին։ Պայթյունի հետևանքով հարյուրավոր վիրավորների մասին հաղորդագրությունները խիստ տագնապալի են։ Ես կոչ եմ անում Բայդենի վարչակազմին անհապաղ մարդասիրական օգնություն ցուցաբերել և օգնել տուժածներին բժշկական օդանավերի տեղափոխման հարցում: Նախագահ Ալիևը պետք է թույլ տա օգնության ազատ հոսքը՝ առանց պայմանների կամ սահմանափակումների», - գրել է Շիֆը X-նախկին Twitter-ում։ Արցախի Ստեփանակերտ-Ասկերան ավտոճանապարհից ոչ հեռու՝ բենզինի պահեստում, երկուշաբթի ուժգին պայթյուն է որոտացել։ Ըստ Արցախի օմբուդսմեն Գեղամ Ստեփանյանի՝ այս պայթյունի հետևանքով զոհերի թիվը գերազանցում է 200-ը։