News - Երևանի փողոցներում վերսկսվում են քաղաքացիական անհնազանդության ակցիաները

Երեքշաբթի վաղ առավոտից Երևանի տարբեր հատվածներում վերսկսվել են քաղաքացիական անհնազանդության ակցիաները։ Քաղաքացիները փակել են մի շարք փողոցներ՝ որոշ հատվածներում կաթվածահար անելով երթեւեկությունը։ Որոշ շրջաններում ոստիկանության հատուկ ջոկատայինները վերսկսել են նաև քաղաքացիների բերման ենթարկելը։ Ոստիկանությունը հայտարարում է, որ այս քաղաքացիների գործողությունները անօրինական են, և կոչ են անում մաքրել փողոցները, քանի որ դրանք խաթարում են այլոց ազատ տեղաշարժի իրավունքը։ Ավելի վաղ NEWS.am-ը հայտնել էր, որ սեպտեմբերի 19-ին Արցախի (Լեռնային Ղարաբաղի) դեմ ադրբեջանական վերջին ռազմական ագրեսիայի ֆոնին Երևանում լայնածավալ ցույցեր են սկսվել։ Մարդիկ Հայաստանի իշխանություններից պատասխան են պահանջում Արցախի հարցում իրենց անգործության համար։ .