News - Եվրախորհրդարանի պատգամավոր. Ղարաբաղից հեռացնելը պետք է լուրջ հետևանքներ ունենա Ադրբեջանի հետ ԵՄ հարաբերությունների վրա
Business Strategy
Եվրախորհրդարանի պատգամավոր. Ղարաբաղից հեռացնելը պետք է լուրջ հետևանքներ ունենա Ադրբեջանի հետ ԵՄ հարաբերությունների վրա
ԵՄ-ն պետք է լուրջ հետևանքներ պարտադրի, եթե ղարաբաղցի հայերին իրենց տներից հեռացնելու փորձեր լինեն. Այս մասին The Guardian-ին ասել է Եվրախորհրդարանի արտաքին հարաբերությունների հանձնաժողովի նախագահ Դեյվիդ Մաքալիսթերը: «Այս շաբաթավերջին Լեռնային Ղարաբաղում տեղի ունեցող զարգացումները ընդգծում են այնտեղի հայ բնակչության լուրջ մտահոգությունը», - ասել է Մաքալիսթերը։ «Մարդասիրական օգնության միջանցքների խցանումները՝ Լեռնային Ղարաբաղի հայերի անվտանգության վերաբերյալ Ադրբեջանի հրապարակային հավաստիացումների ֆոնին, չեն նպաստում իրավիճակի դեէսկալացմանը։ Փոխարենը, դրանք, ամենայն հավանականությամբ, կհանգեցնեն տեղի բնակչության արտաքսմանը»,- զգուշացրել է նա: Աջ կենտրոնամետ գերմանացի քաղաքական գործիչը նաև զգուշացրել է, որ «հրադադարը, ինչպես նաև ղարաբաղցի հայերի և Ադրբեջանի կառավարության ներկայացուցիչների հանդիպումը Եվլախում առաջին քայլերն էին, բայց դրանք չեն կարող մնալ միակը։ «Ադրբեջանը պետք է հնարավորություն տա հումանիտար կազմակերպություններին մուտք գործել տարածաշրջան և երաշխավորի կենսամակարդակը, որպեսզի արժանահավատորեն ընդգծի իր հավատարմությունը կայուն խաղաղությանը»: ԵՄ-ն, հավելել է ՄքԱլիսթերը, «պետք է հստակ հասկացնի, որ Լեռնային Ղարաբաղի տարածաշրջանից հայ բնակչությանը հեռացնելու կամ պարտադրելու ցանկացած փորձ լուրջ հետևանքներ կունենա Ադրբեջանի հետ մեր հարաբերությունների վրա»:
About usyoo
Categories
Tags
