

Երևանի կենտրոնում օգնություն է հավաքվում հարկադիր տեղահանված արցախցիների համար։ «Աշխարհը մեր ձեռքերում» կազմակերպության ներկայացուցչի խոսքով՝ իրենք հիմնականում հավաքում են չոր սնունդ, որը երկար պահպանման ժամկետ ունի, ինչպես նաև տաք հագուստ և հիգիենայի պարագաներ։ «Արդեն մեկ շաբաթ է՝ հավաքում ենք, այսինքն՝ մեր պահեստում նախապատրաստական բազա ունենք, հիմա էլ հասցեները ճշտվում են, որ երբ արցախցիները գան, մեր փոքրիկ ներդրումով նրանց օգնություն տանք։ Հիմա աշխատում ենք հասցեների շտեմարան ունենալու վրա, որ իմանանք, թե ում ինչ է պետք, որ որոշենք ինչպես կազմակերպել աշխատանքը։ «Մենք տեսնում ենք մեր քաղաքացիների սերն ու հոգատարությունը, նրանք անտարբեր չեն անցնում, նույնիսկ մի քիչ շոկոլադ են տալիս, այս ամենը շատ մեծ բան է, բոլորի օգնությունը, թեկուզ փոքր, շատ կարևոր է։ «Մենք գտնվում ենք Սայաթ Նովա-Աբովյան խաչմերուկում»,- ասաց հավաքվող այս օգնության կազմակերպիչներից մեկը։