News - Ղարաբաղի նախագահն աշխատանքային խորհրդակցություն է անցկացրել ՆԳՆ ղեկավարության հետ, տվել հանձնարարականներ

Արցախի Հանրապետության նախագահ Սամվել Շահրամանյանն այսօր աշխատանքային խորհրդակցություն է անցկացրել ՆԳՆ ղեկավար կազմի հետ, հայտնում է ՆԳՆ-ն։ Նախագահը հանձնարարել է կազմակերպել Լեռնային Ղարաբաղի քաղաքացիների անվտանգ տեղաշարժը, դեռ Ղարաբաղում գտնվողների անվտանգությունը։ «Հաշվի առնելով ստեղծված իրավիճակը և մարդկանց մեծ հոսքը դեպի Հայաստանի Հանրապետություն խցանումներ են առաջացրել, այդ իսկ պատճառով հորդորում ենք խուճապի չմատնվել և չշտապել՝ Արցախը Հայաստանին կապող միջանցքը չծանրաբեռնելու համար։ Բնակչության տեղափոխումն իրականացվում է փուլերով, որոնց համար սահմանված ժամկետներ չկան։ Գործընթացը կշարունակվի այնքան ժամանակ, քանի դեռ ամբողջությամբ չեն ապահովել Հայաստան մեկնել ցանկացող քաղաքացիների տեղափոխումը։ ՆԳՆ ԱԻ պետական ​​ծառայությունը շարունակում է իր առաքելությունը՝ իրականացնելով որոնողափրկարարական աշխատանքներ զոհված զինծառայողների և քաղաքացիական անձանց աճյունների, ինչպես նաև մինչ օրս անհայտ մեր հայրենակիցների աճյունների համար»,- ասված է գրասենյակի տարածած հաղորդագրության մեջ։ Արցախի նախագահի.