News - Հայաստանի ընդդիմադիր պատգամավորը բերման է ենթարկվել

Ազգային ժողովի ընդդիմադիր «Հայաստան» խմբակցության պատգամավոր, ՀՅԴ խմբակցության պատգամավոր Թադևոս Ավետիսյանը Երևանում բերման է ենթարկվել ոստիկանություն, հայտնում է Ազգային կոմիտեն։ «Իրավական ամենաթողություն. «Հայաստան» խմբակցության պատգամավոր Թադևոս Ավետիսյանը բերման է ենթարկվել ոստիկանության Էրեբունու բաժին»,- ասվում է Ազգային կոմիտեի հաղորդագրության մեջ։ Ինչպես ավելի վաղ հայտնել էինք, երկուշաբթի վաղ առավոտից Երևանի տարբեր հատվածներում վերսկսվել են քաղաքացիական անհնազանդության ակցիաները։ Հայաստանի մայրաքաղաքի որոշ հատվածներում քաղաքացիները փակել են մի շարք փողոցներ և կաթվածահար են արել երթեւեկությունը։ Որոշ շրջաններում ոստիկանության հատուկ ջոկատայինները սկսել են բերման ենթարկել մարդկանց։ Ոստիկանությունը հայտարարում է, որ քաղաքացիների վերոնշյալ գործողությունները անօրինական են և հորդորում են ազատել փողոցները, քանի որ դրանք խաթարում են այլոց ազատ տեղաշարժի իրավունքը։ Հանրապետության հրապարակում նաև մեծ ոստիկանական ուժեր կան։ Ավելի վաղ NEWS.am-ը հայտնել էր, որ սեպտեմբերի 19-ին Արցախի (Լեռնային Ղարաբաղի) դեմ ադրբեջանական վերջին ռազմական ագրեսիայի ֆոնին Երևանում լայնածավալ ցույցեր են սկսվել։ Մարդիկ Հայաստանի իշխանություններից պատասխան են պահանջում Արցախի հարցում իրենց անգործության համար։ .