News - Սամանթա Փաուեր. «Ես այստեղ եմ՝ կրկնելու Հայաստանի հետ ԱՄՆ-ի ամուր աջակցությունն ու գործընկերությունը».

ԱՄՆ ՄԶԳ ադմինիստրատոր Սամանթա Փաուերը ժամանել է Երևան, Հայաստան։ Այս մասին նա հայտնել է իր X (նախկին Twitter) միկրոբլոգում։ «Անիվները վար Երևանում, Հայաստան. Երկրի և տարածաշրջանի համար այս կարևոր պահին ես այստեղ եմ՝ վերահաստատելու ԱՄՆ-ի ամուր աջակցությունն ու գործընկերությունը Հայաստանի հետ և ուղղակիորեն խոսելու նրանց հետ, ովքեր տուժել են Լեռնային Ղարաբաղում հումանիտար ճգնաժամից»,- գրել է նա։ Ավելի վաղ NEWS.am-ը հայտնել էր, որ նախատեսվում է Բայդենի վարչակազմի բարձրաստիճան պաշտոնյաների այցը Հայաստան, նրանց ժամանումը սպասվում է երկուշաբթի։ Այցելող պաշտոնյաների թվում են ԱՄՆ Միջազգային զարգացման գործակալության ղեկավար Սամանթա Փաուերը և ԱՄՆ պետքարտուղարի Եվրոպայի և Եվրասիայի հարցերով օգնականի պաշտոնակատար Յուրի Քիմը: Իր այցի ընթացքում Սամանթա Փաուերը հանդիպումներ կունենա բարձրաստիճան կառավարական գործիչների հետ և կհաստատի ԱՄՆ աջակցությունը Հայաստանի ժողովրդավարությանը, ինքնիշխանությանը, անկախությանը և տարածքային ամբողջականությանը և Լեռնային Ղարաբաղից բխող մարդասիրական կարիքները լուծելու հանձնառությանը»,- ասվում է պաշտոնական հայտարարության մեջ։ .