News - ՀՀ 2-րդ նախագահ Ռոբերտ Քոչարյանի որդուն մեկ ամսով կալանավորել են
Business Strategy
ՀՀ 2-րդ նախագահ Ռոբերտ Քոչարյանի որդուն մեկ ամսով կալանավորել են
ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, մեկ ամսով կալանավորվել է, այս մասին հայտնում է Լևոն Քոչարյանի փաստաբան Ալեքսանդր Կոչուբաևը։ Երևանի դատարանը բավարարել է քննիչի կողմից ներկայացված համապատասխան միջնորդությունը։ Լևոն Քոչարյանը մեղադրվում է Հայաստանի իշխանությունների ներկայացուցչի նկատմամբ բռնություն գործադրելու մեջ. Նա, սակայն, չի ընդունում իրեն առաջադրված մեղադրանքը։ Ավելի վաղ NEWS.am-ը հայտնել էր, որ սեպտեմբերի 19-ին Արցախի (Լեռնային Ղարաբաղի) դեմ սանձազերծված ադրբեջանական վերջին ռազմական ագրեսիայի ֆոնին Երեւանում լայնածավալ ցույցեր են սկսվել։ Մարդիկ Հայաստանի իշխանություններից պատասխան են պահանջում Արցախի հարցում իրենց անգործության համար։ Սեպտեմբերի 22-ին ոստիկանության հատուկ ջոկատայինները Երևանի կենտրոնի փողոցներից մեկից բերման են ենթարկել մի քանի ցուցարարների, որոնց թվում էր նաև Լևոն Քոչարյանը։ Լրատվամիջոցների համապատասխան կադրերում երեւում է, որ ոստիկանները Քոչարյանին բերման ենթարկելիս ոստիկանական մեքենայում ուժգին հարվածներ են հասցրել նրան։ Ավելի ուշ հայտնի դարձավ, որ Քոչարյանը տեղափոխվել է հիվանդանոց, և նրա մոտ ախտորոշվել է ուղեղի ցնցում։ Իսկ սեպտեմբերի 23-ին Լևոն Քոչարյանի փաստաբան Ալեքսանդր Կոչուբաևը հայտնել էր, որ Քոչարյանը բերման է ենթարկվել ոստիկանության հատուկ նշանակության ջոկատի չորս աշխատակիցների ծեծի ենթարկելու համար։
About usyoo
Categories
Tags
